KONTUZ, ESKUBIDE URRAKETA!
Irailak 30ean Gipuzkoako Aldizkari Ofizialean argitaratutako, Irailak 5eko 700/2020 Foru Aginduaren hedapenak dioena begietsita, beste behin, egoitza eta laguntza bidezko etxeen erabiltzaileek beraien eskubideak zapalduta ikusi dituzte.
Neurri berri hauen zergatia oraindik ulertu ezinean daudela, laguntza gabe kalera ezin direla irten onartu beharra dute. Gipuzkoako Aldundiaren ustetan, hauek babesten ari direla pentsatuko dute ziur, baina errealitatean, hauek, lagunengandik, bizilagunengandik, gizartetik, mundutik, bizitzatik isolatzen ari dira. Komunitatean bizi daitekeen beste auzotar integratu baten gisan bizitzeko eskubidea ukatzen ari dira.
Egoitzetako pertsona erabiltzaileak,
behin eta berriz beraien eskubideak nola urratzen diren ikusten ari diren
bitartean, etxebizitza partikularretan bizi garenok, ezgaitasunen bat izan ala
ez, ezespen gutxi dituen bizitza egiten ari gara (eta hauek askotan guk geuk horrela
onartuta). Bizilagun heldu gisa tratatu baino gaindituak ziruditen
modeloetara bueltatzen ari garela dirudi. Modelo hauek ezgaitasunak zituzten
pertsonen bizitza infantilizatzeaz gain hiritarra bere osotasunean izateko
kondizioa ere ezeztatu egiten zitzaien.
Alarma
egoera osoan, beste Gipuzkoako hiritarrak ez bezala, beraien egoitzetatik atera
ezinean egon dira, hauek 2 hilabete gehiago pairatu dutelarik. Beraien
familiarrak distantzian eta mota guztietako murrizketekin ikusi dituzte,
beraien kanpo-irteerak denbora, jarduera eta espazioan guztiz mugatuta egon
dira. Agindu hau argitaratuta, nahiz
pertsona autogestoreak izan, ezin dira bakarrik kalera irten, inoiz. Soilik
“haurtzain” batekin atera daitezke, astean bitan eta ordubetez. Eremu itxietara
joan ezin direnez ezin beraien gauza pertsonalak erosi, beraien irteerak soilik
gune irekietara izan daitezke, ezin dira arropa, janaria, gorputza garbitzeko
edota botika produktuak erostera irten. Kalera ateratzeari eta zein bizitza
nahi duten edota zer kontsumitu nahi duten aukeratzeari utziko diote, pertsona
autodeterminatu izateari utziko diote. Gizarte baztertuak izatera bueltatuko
dira.
Hiritar gisa beraien eskubideak guztiz urratzen ari dira, eta babespean
egoteko aitzakiarekin giltzaperatzen ari zaie. Baina erabakiak beregain hartzen
dituzten pertsona helduak dira eta hau, ezeztatu egin zaie.
Hemendik,
hainbeste urtetan borrokatutako eskubideak narrutzen ari direla uste dugu, eta
hauek babesteko eskua luzatzen diegu. Beraiengan konfiantza erakustea
garrantzitsua da. Gai diren pertsonak, pertsona arduradunak, hilabeteetan
sakrifizio handi bat egiteko gai direla erakutsi duten pertsonak dira. Baina
ezin eskatu ahal ezin duten hori.
Aldundiaren Agindu hau behin-betikoa denez, (soilik epaitegietan
administrazioarekiko auzi errekurtsoa egin daiteke), hain injustua den arau hau
betetzea kondenatuak daude nahiz beraien bizitza kalitatearentzat, eskubideentzat,
autodeterminazio, garapen pertsonal, inklusio sozial, pertsonarteko erlazio,
ongizate emozional eta fisikoarentzat kaltegarria izan.
![About [span]me[/span]](https://static.diariovasco.com/www/multimedia/202009/24/media/cortadas/58502174--624x406.jpg)
0 comments